إعلان


بيع العطور

مشروع اللي كيتعتبر من المشاريع المربحة والدائمة يعني خدام فجميع المناسبات. كبداية تقدر تحتاج راس المال اللي بغيتي انت تبدا به المهم ندخلو فالتفاصيل

الادوات: سهلة مكتحتاج بزاف فقط المحقنة وباش تعمر الالكول الثمن ديالهوم 45 درهم

اللوازم :

-الروح او الزيت العطري 125 ملل الثمن بين 80 درهم حتى ل 100 درهم بالنسبة للعطور العادية اللي معروفة فالسوق اما العطور العربية فالثمن بين 800 درهم حتى ل 1000 درهم للنوع الواحد

-الكحول او الالكول 5 لتر ب 150 درهم

– الخاوي القارورات او القراعي بين 1.80 درهم حتى ل 14 درهم للعينة اقل عدد 50 بياسة فالكارطونة

– الرقم ديال العطر اللي كيلصق فالقرعة كيجي مع الباكية ديال الزيت

قرعة ديال 125 ملل من الزيت العطري كتعطيك تقريبا 30 قرعة من العطر اللي كيتباع ب 20 درهم فيها 18 ملل اي ان العطر ديال 20 درهم كيتقام ب 7دراهم تقريبا و 13 درهم ربح

منين تقدا السلعة ؟ قلب مزيان تلقى شوف كازا liberty parfumerie او magnetic فقيسارية بنجدية درب عمر

إعلان