إعلان


محلبة او ملبنة

هاد المشروع خدام مزيان وتاع بصح ولكن الى معندكش الموقع بلا ماديرو .. اقدر كاينين ناس هنا بغاو او كيفكروا اديروا هد المشروع والكن مترددين مهم مشروع إنشاء محلبة او ملبنة هد الخدمة هدي فيها الخير اخوتي مشروع راس مالوااا ماشي بزاف يكفي 5 مليون او اقل غاع الى لقيتي ماتريل بونوكازيو ، غتبداا مخير كاع هدشي من بعد اصلاح المحال اهم حاجة فالمحلبة هو داك الموقع حدا المستشفيات المقاطعات الجماعات قاعة الرياضة لاصال ديال الحديد المحاكم القيادات المدارس فين كيكونوا ناس او حتى فشوارع لي كتكون باينة مهم غير تبان او متكونش مخبع .

ثلاجة، كنطوار، سيطيرنة ديال اللبن، ثلاجة اخرة ديال براا او مواعن اكونوا زوينين، طبالي او كراسى راه عطى الله اشكال او انواع او ب اثمنة زوينة كانين لي جهزوا ليك او تعطيهم بشوية بشوية، صراحة من جهت المتريال مكاينش بزاف ميكلفك داكشي والو او كولشي بطبعة الحال اكون نقي كون اكيد غتخدم او زيد على دالك الشخصية ديالك لي خاصك تكون منفتح مع ناس او مشارك معاهم ديك ضحكة او حسن المعاملة هد المشروع فيه الخير.

إعلان

غير الكوزينة غتجيب ليك الرزق اللهم بارك أتاي اخوتي 5 دراهم فيه شوية حبوب او طوبا د سكر فايت ليا حسبت لقيت غير باكية ديال اتاي ديال نص كيلوا كتخلي ليا 220 درهم او مكتبقاش بزاف عندي او المقلة كطيب بيضة فالمقلة ب 2 دراهم اصلا 2,50 فمقلة بمطيشة او ويلا زتي عليها شوية قزبوا الحار زيتون الحامض او ديرها بالكفتة ديرها بالكروفيت الا كان بلخليع بكولشي هدشي الا كان بنادم كيسولك عليهم، راه كتكون اوعر مايكون فشكل اوالمذاق هكاا كتجبد ناس عندك. كاس الحليب 3 دراهم نص لتر حليب فيه 3 دالكيسان كاس اقهوة 5 دراهم حليب سخون زيد شوية نسكافي القرعة اولا حط حداها ساشية ديال درهم هدشي راه غير ثمن مناسب او راه فيه الباركة زيد على دالك كيسان الرايب 3 دراهم رايب كيتقاد غي بسكر او دنون فاني واحد او خميرة فاني مكاين لا فنيد والا هم يحزنون. العواصر فيهم الخير حتى هما الليمون التفاح البنان لافوكاا كول واحد او ثمنو دير كيسان كبار او داك الخير اكون خاثر ناضي او برع ليا بنادم دير راسك راه انت لي غتشربواا متزرفش عباد الله..طبسيل زيتون كحل داير 3 دراهم وزيدو زوقو المحل زعزع لي صلاط فروي وزيد شي لعيبات بزاف ميتقال عاد الحرشة الملاوي بتيبان ملفاي وزوق تبيع وأهم حاجة هوا الموقع.. و الله يسر لكم الامور…

إعلان